السلام عليكم
انهاردة حشرحلكم طريقة تخفف من حمولة الجهاز وتقله
ساعات نلاقى الجهاز بيهنج وتقيل ومش عارفين نعمل ايه
طب انت عارف بقى ان الصور والصفحات اللى بتقفى قدامها عالنت بتحمل صورة منها عالجهاز؟
ولازم المعلومات الزيادة اللى بتتحمل عالجهاز دى تتخلصى منها كل فترة ولو مرة اسبوعيا
انا صورتلكم ازاى تخففوا الجهاز وتمسحوا الملفات الزيادة اللى ملهاش لازمة
الموضوع حصرى لفتكات ولا اسمح بنقله بدون ذكر المصدر ومش تنسوا التقييم يابنات
1/ افتحى قايمة start واختارى run للبنات اللى عندهم ويندوز سيفين ومش لاقين الخطوة دى بتكوا على زرار ويندوز من الكيبورد + r
2/ واكتبى فالبحث كلمة %temp%
3/ حيتفتحلك فولدر كله ملفات الل بنقول عليها اللى بتتسيف على الجهاز من النت بس وكمان من البرامج الكتير اللى بنشتغل عليها زى الفوتوشوب بيحمل برضه ملفات كتير عالجهاز
4/ حنمسح كل الملفات اللى فالفولدر ده خدوا بالكم لازم نقفل اى برامج او صفحات نت مفتوحة عشان دى فى نفس الوقت بيحمل فى نفس الفولدر واحنا فاتحينه واحتمال تلاقوا ملفات مش راضية تتمسح حاولوا تمسحواا لاغلبية انا فضل عندى الملفات دى لانى كنت فاتحة الرسام
5/ وبعدين بعد مسح الملفات فضوا باسكت الملفات المحذوفة
6/ ادخل my computer واختارى فولدر c
7/ تعمل كليك يمين على اى حتة فاضية واختارى اخر حاجة
8/ حيطلعلك البوكس ده اللون الازرق دى المساحة المستخدمة واللون الفوشيا المساحة الفاضية واختارى disk clean
9/ اعملى صح على الاختيارات اللى مكتوب جنبها ارقام كتير يعنى عاملة مساحة كبيرة على الجهاز واعملى اوك
10/ حيقعد بقى ينضف بالمكنسة دى ممكن ياخد وقت عشان بقالك كتير معملتيش كده ممكن حتى لو نص ساعة بس لو بتعملى كده على طول مش حياخد 5 دقايق
11/ دلوقتى ارجعى اتكى على البوكس بتاع المساحة وحتلاقى بنفسك ان المساحة اللى مستخدمة قلت واللى فاضية زادت
شوفتوا بقى ازاى قللنا الملفات الزيادة اللى ملهاش لازمة وده خفف عن الجهاز كتير
وياريت كمان كل اسبوع كده تعملوا حملة انكم تمسحوا الملفات القديمة والى ملهاش لازمة او مش بتستعملوها من على الجهاز
ويلا بقى مش تنسوا التقييم
خارج الموضوع تحويل الاكوادإخفاء الابتساماتإخفاء